சரவண பவன் இட்லி சாம்பார் ( idly sambar )

சரவண  பவன்  இட்லி  சாம்பார் 

 தேவையான பொருட்கள் 

•    புளி -ஒரு சிறிய உருண்டை ( 2கப் தண்ணீரில் ஊர வைக்கவும் )
•    தக்காளி -2
•    சின்ன வெங்காயம் -10
•    முருங்கைக்காய் -1(தேவையானால்)
•    கேரட் -2(தேவையானால் )
•    நெய்- 2ஸ்பூன் 
•    சக்கரை -1ஸ்பூன் 
•     சாம்பார் பொடி -1 1/2ஸ்பூன்  
•     மிளகாய் பொடி- 1ஸ்பூன் 
•    உப்பு -தேவையான அளவு 

    

          

 குக்கரில்  வேக வைக்க  வேண்டிய பொருட்கள் 

• மைசூர் துவரம் பருப்பு -1கப் 
• தக்காளி -2
• கத்திரிக்காய் -2
• சின்ன வெங்காயம் -7
• மஞ்சள் பொடி -1/4ஸ்பூன் 
• பெருங்காய பொடி-1/2ஸ்பூன் 

வறுத்து  அரைக்க  தேவையான பொருட்கள் 

•   தனியா -1/2ஸ்பூன் 
•   உளுத்தம் பருப்பு -1/4ஸ்பூன் 
•   வெந்தயம் -1/4ஸ்பூன் 
•   கடலை பருப்பு -1/4ஸ்பூன் 
•   தேங்காய் துருவியது-3ஸ்பூன் 
•   வரமிளகாய்-1

தாளிக்க  தேவையான பொருட்கள் 

• ஆயில் -1 ஸ்பூன் 
• கடுகு -1/2ஸ்பூன் 
• உளுத்தம் பருப்பு -1/4ஸ்பூன்
• வர மிளகாய் -1 
• கறிவேப்பிலை -7

செய்முறை 

குக்கரில்  வேக வைக்க கொடுத்துள்ளதை  5-6 விசில்  விட்டு  குக்கரில்  வேக வைத்து கொள்ளவும்

.புளியை  2டம்ளர்  தண்ணீர்  விட்டு ஊர வைத்து  கொள்ளவும்

. வெங்காயத்தை  தோல்  உரித்து  கொள்ளவும்.தக்காளியை  பொடியாக  நறுக்கி கொள்ளவும்

.கடாயில்  ஆயில்  விட்டு  தாளித்து  கொள்ளவும்.

பின்  வெங்காயத்தை  போட்டு  3 நிமிடம்  வதக்கி கொள்ளவும்.

பிறகு  தக்காளி,காய்கறிகளை  போட்டு  5 நிமிடங்கள்  வதக்கிய  பின் 

 புளி  தண்ணீரை விட்டு உப்பு ,மிளகாய் பொடி ,சாம்பார் பொடி போட்டு  கொதிக்க விடவும் 

..மற்றொரு  கடாயில்  1 ஸ்பூன்  ஆயில்  விட்டு  வறுக்க  கொடுத்துள்ளதை  வறுத்து

  தண்ணீர்  விட்டு  மிக்ஸ்யில்  அரைத்து  கொள்ளவும்.

புளிதண்ணீரில்  காய்கள்  வெந்த  பின்  வேக வைத்துள்ள  பருப்பு கலவையை  போட்டு 1 நிமிடம்  கொதித்த  பின்  அரைத்த  விழுதை  சேர்த்து  மேலும்  10 நிமிடங்கள்  கொதிக்க  வைத்து

  கொத்தமல்லி தூவி  இறக்கி  வைத்து  மேலாக  நெய்  விட்டு  பரிமாறவும் .

பின்  குறிப்பு 

  தேவையானால்  காய்கள்  வேகும்போது  தண்ணீர்  சேர்த்து  கொள்ளவும்.